Axuda do LibreOffice 7.1
Este submenú lista as barras de ferramentas dispoñíbeis nas follas de cálculo.Esta vista xeral describe a configuración predefinida para as barras de ferramentas de LibreOffice.
A barra Debuxo contén ferramentas de edición usadas con frecuencia. Prema na frecha colocada xunto a unha icona para abrir unha barra de ferramentas con ordes adicionais.
A barra Propiedades de obxecto de debuxo contén ordes de formatado e de aliñamento para os obxectos seleccionados na folla.
A barra Formato de texto que aparece cando o cursor está nun obxecto de texto, como unha caixa de texto ou un obxecto de debuxo, contén ordes de formato e aliñamento.
A barra Visualización da impresión móstrase ao escoller Ficheiro - Visualizar impresión.
Prema na frecha que hai xunto á icona para abrir a barra de ferramentas Inserir, onde é posíbel engadir imaxes e caracteres especiais á folla activa.
A barra Clasificación contén ferramentas que axudan a xestionar documentos de maneira segura.
A barra de ferramentas Clasificación contén caixas de opcións que axudan a seleccionar a seguranza do documento segundo as políticas de categorías BAF e os niveis BAILS. O LibreOffice engade campos personalizados ás propiedades do documento (Ficheiro - Propiedades, lapela Propiedades personalizadas) para almacenar a política de clasificación como metadatos do documento.
Vaia ao menú Ver - Barras de ferramentas e seleccione Clasificación