Hendingar

PĂ„ fana Hendingar kan du tilordna makroar til visse hendingar som kan skje i skjema.

For Ă„ bruka denne funksjonen 


Opna sprettoppmenyen til eit valt skjemaelement og vel fana Skjema → Hendingar

Opna ei av verktÞylinjene «Kontrollelement for skjema» eller «Skjemautforming», trykk pÄ Skjema og vel fana Hendingar


For Ä knyta ei hending til ein makro, mÄ du fÞrst skriva ein makro som inneheld alle dei kommandoane som skal utfÞrast nÄr hendinga skjer. SÄ tilordnar du denne makroen til hendinga ved Ä trykkja pÄ 
 ved sida av hendinga. Dialogvindauget Tilordna makro opnar seg og du kan velja makroen.

Desse handlingane kan setjast opp kvar for seg, slik at du kan knyta dine eigne dialogvindauge til handlingar:

  1. Visa ei feilmelding,

  1. Stadfesta ein sletteprosess (for datapostar),

  1. SpĂžrjingsparametrar,

  1. Kontrollera inndata ved lagring av ein datapost.

Du kan eksempelvis be om ei stadfesting som viser spÞrsmÄlet «Vil du verkeleg sletta kunden xyz» nÄr du ber om Ä sletta ein datapost.

Merknadsikon

Hendingane som vert viste i dialogvindauget «Hendingar» kan ikkje endrast direkte. Du kan sletta ei hending frÄ lista ved Ä trykkja pÄ Delete-tasten.


Denne lista viser alle hendingane i eit skjema som kan knytast til makroar:

Det oppstod ein feil

Hendinga Feil oppstod vert aktivert om det oppstÄr ein feil ved tilgang til datakjelda. Dette gjeld skjema, listeboksar og kombinasjonsboksar.

Etter postendring

Hendinga Etter endring av post finn stad rett etter at den gjeldande post-peikaren er endra.

Etter posthandling

Hendinga etter posthandling finn stad rett etter at posten er endra.

Fyllparametrar

Hendinga Fyll parameterar finn stad dersom skjemaet som skal lastast inn har parameter som mÄ fyllast ut. For eksempel kan datakjelda i skjemaet innehalda denne SQL-kommandoen:

SELECT * FROM adresse WHERE namn=:namn

Her er :namn ein parameter som mÄ fyllast ut ved innlasting. Parameteren vert automatisk fylt ut frÄ foreldreskjemaet dersom det er mogleg. Dersom parameteren ikkje kan fyllast ut, vert denne hendinga kalla, slik at ein makro kan fylla ut parameteren.

FÞr lasting pÄ nytt

Hendinga FÞr lasting pÄ nytt finn stad fÞr skjemaet vert lasta inn pÄ nytt. Datainnhaldet er ikkje oppdatert enno.

FĂžr oppdatering

Hendinga «FÞr oppdatering» vert utfÞrt fÞr innhaldet i kontrollelementet som er endra av brukaren vert skrive til datakjelda. Den lenka makroen kan mellom anna hindra handlinga ved Ä returnera «USANN».

Etter oppdatering

Denne hendinga finn stad nÄr endringane som brukaren har gjort pÄ innhaldet i kontrollen er lagra i datakjelda.

FĂžr nullstilling

Hendinga FÞr tilbakestilling skjer fÞr eit skjema vert tilbakestilt. Den lenkja makroen kan for eksempel hindra at skjemaet vert tilbakestilt ved Ä returnera «USANN».

Eit skjema vert nullstilt dersom eitt av desse vilkÄra er oppfylt:

  1. Brukaren trykkjer ein knapp (HTML) som er vald til Ă„ vera nullstillingsknapp.

  2. Ein ny og tom post vert oppretta i eit skjema som er knytt til ei datakjelde. Dette skjer for eksempel nÄr Neste post vert trykt ved den siste posten.

Etter nullstilling

Hendinga Etter tilbakestilling finn stad nÄr eit skjema vert tilbakestilt.

FĂžr postendring

Hendinga FÞr endring av post skjer fÞr peikaren til den gjeldande posten vert endra. Den lenkja makroen kan for eksempel hindra at denne handlinga skjer ved Ä gje tilbake «USANN».

FĂžr posthandling

Hendinga FĂžr posthandling finn stad fĂžr denne dataposten vert endra, for eksempel redigert eller sletta. Den lenkja makroen kan for eksempel spĂžrja etter stadfesting i eit dialogvindauge.

FĂžr sending

Hendinga FĂžr sending finn stad fĂžr formeldataa vert sende.

FĂžr utlasting

Hendinga FĂžr utlasting finn stad fĂžr skjemaet vert teke ut av datakjelda.

Stadfest sletting

Hendinga Stadfest sletting finn stad sÄ snart data er sletta frÄ skjemaet. Den lenkja makroen kan for eksempel spÞrja om stadfesting i eit dialogvindauge.

Ved lasting

Hendinga Ved lasting finn stad rett etter at skjemaet er lasta inn.

Ved lasting pÄ nytt

Hendinga Ved lasting pÄ nytt finn stad rett etter at skjemaet er lasta inn. Datainnhaldet er alt oppdatert.

Ved utlasting

Hendinga Ved utlasting finn stad etter at skjemaet er teke ut av datakjelda.