Convertir oxetos 2D en curves, polígonos y oxetos 3D
Ye posible convertir oxetos bidimensionales (2D) pa crear distintes formes. LibreOffice pue convertir oxetos 2D nos siguientes tipos d'oxetu:
-
Oxetu curvu basáu en curves de Bézier
-
Oxetu poligonal compuestu de segmentos rectos
-
Oxetu 3D con solombra y una fonte de lluz
-
Oxetu de rotación 3D con solombra y una fonte de lluz
Dos tipos d'oxetos 3D
-
La barra d'estáu amuesa "Escena 3D escoyida". Les escenes 3D creense a partir d'oxetos que tienen dimensiones nes coordenaes x, y, y z. Exemplos d'esti tipu d'oxetos son los inxertaos cola barra de ferramientes Oxetos 3D; los rectángulos, elipses o'l testu creaos colos iconos "Rectángulu", "Elipse" o "Testu" a la izquierda na barra "Dibuxu"; o cualquier forma personalizada que se convirtiera en 3D usando'l menú contestual "Convertir - En 3D". Pue entrar a eses escenes 3D (por exemplu, primiendo F3), y pue rotar los oxetos en 3D. Microsoft Office nun reconoz estos oxetos en 3D verdaderu. Cuando s'esporten eses escenes 3D al formatu de Microsoft Office, espórtase una captura de la vista actual como mapa de bits. Les barres 3D de los gráficos tamién son d'esti tipu.
-
La barra d'estáu amuesa "Forma escoyida". Pue visualizar les formes personalizaes en mou 2D o 3D. Pue camudar la vista ente los dos maneres en cualquier momentu. Pa crear formes personalizaes, pue usar les formes básiques, les formes de símbolos y los iconos posteriores de la barra de ferramientes "Dibuxu". Les formes personalizaes puen camudase usando la barra de ferramientes "Configuración 3D". Nun formen una escena 3D, nun puen allumase más que por una fonte de lluz, nun s'amuesen los reflexos, y hai delles llimitaciones más. Pue convertiles a una escena 3D, pero entós yá nun van ser formes personalizaes. Les formes personalizaes en mou 2D y 3D puen importase y esportase al formatu de Microsoft Office.
Trace un rectángulu. Va Ver que tien yá una configuración predeterminada pa'l color, anchu de llinia, etc. Escuéyalo.
-
Escueya un oxetu 2D na diapositiva o páxina.
-
Faiga clic col botón derechu nel oxetu y escueya Convertir - En curva.
Pa modificar la forma del oxetu, faiga clic nel iconuPuntos de la barra de ferramientes Dibuxu y arrastre les agarraderes del oxetu. Tamién pue abasnar los puntos de control d'una agarradera pa modificar la forma de la curva.
Pa convertir un oxetu 2D nun polígonu:
-
Escueya un oxetu 2D na diapositiva o páxina.
-
Faiga clic col botón derechu nel oxetu y escueya Convertir - En polígonu.
Pa modificar la forma del oxetu, faiga clic nel iconuPuntos de la barra de ferramientes Dibuxu y arrastre les agarraderes del oxetu.
Pa convertir un oxetu 2D nun oxetu 3D:
-
Escueya un oxetu 2D na diapositiva o páxina.
-
Faiga clic nel iconu Activar o desactivar extrusión
na barra Dibuxu o, col botón derechu del mur, faiga clic nel oxetu y escueya Convertir - En 3D.
Pa editar les propiedaes del oxetu 3D, utilice les barres de ferramientes Llinies y rellenu y Configuración 3D.

Pa convertir un oxetu de testu en 3D, utilice l'iconu Fontwork na barra de ferramientes Dibuxu.
Pa convertir un oxetu 2D nun oxetu de rotación 3D:
Un oxetu de rotación 3D créase faciendo rodar l'oxetu escoyíu alredor de la so exa vertical.
-
Escueya un oxetu 2D na diapositiva o páxina.
-
Faiga clic col botón derechu nel oxetu y escueya Convertir - N'oxetu de rotación 3D
Pa editar les propiedaes del oxetu 3D, utilice les barres de ferramientes Llinies y rellenu y Configuración 3D.

Pue xirar l'oxetu 2D enantes de convertilo pa crear una forma más complexa.